ԼԻԴԻԱՆ ԱՐՄԵՆԻԱ ՓԲԸ

   «Լիդիան Արմենիա» ՓԲԸ-ն (նախկինում` «Գեոթիմ») Հայաստանի Հանրապետությունում գրանցված հանքարդյունաբերական ընկերություն է, որին պատկանում է Ամուլսարի ոսկու հանքավայրի շահագործման թույլտվությունը: Այն հիմնադրվել է 2005թ-ին և լայնամասշտաբ երկրաբանահետախուզական աշխատանքների արդյունքում հայտնաբերել է Ամուլսարի ոսկու հանքը, որը Հայաստանի անկախությունից հետո հայտնաբերված առաջին ոսկու հանքավայրն է: 

   «Լիդիան Արմենիայի» 100% բաժնետերն է կանադա-ամերիկյան «Լիդիան Կանադա Վենչուրս» ՓԲԸ-ն, որը պատկանում է ամերիկյան Orion Mine Finance և կանադական Osisko Gold Royalties ընկերություններին:

   Ամուլսարի հանքավայրը գտնվում է Վայոց Ձորի և Սյունիքի մարզերի սահմանագլխին, Զանգեզուրի լեռնաշղթայի հյուսիս, հյուսիս-արևմտյան ճյուղավորումների ջրբաժանային մասում, 2500-2988 մ բացարձակ բարձրությունների վրա:

   «Լիդիան Արմենիան» պարտավորվել է առաջնորդվել Էկվատորյան սկզբունքներով, Վերակառուցման և զարգացման եվրոպական բանկի (EBRD) և Միջազգային ֆինանսական կորպորացիայի (IFC) կատարողական չափանիշներով և պահանջներով:

   Ընկերությունը Ամուլսարի հանքի բնապահպանական ուսումնասիրությունները և բնապահպանական կառավարման նախագծումը սկսել է 2008թ.: Բացի Շրջակա միջավայրի ազդեցության գնահատումից (ՇՄԱԳ) «Լիդիան Արմենիան» առաջինը Հայաստանում իրականացրել է նաև Բնապահպանական և սոցիալական ազդեցությունների գնահատում (ԲՍԱԳ): Միայն այդ փաստաթղթերի կազմման վրա Ընկերությունը ներդրել է ավելի քան 6 միլիոն ԱՄՆ դոլար` ներգրավելով միջազգային և տեղական հեղինակավոր գիտական հաստատություններ (Wardell Armstrong InternationalGolder AssociatesGlobal Resource EngineeringTreweek Environmental ConsultantsEnvironmental Resource ManagementLUC և ՀՀ ԳԱԱ բուսաբանության ինստիտուտ, ՀՀ ԳԱԱ կենդանաբանության և հիդրոէկոլոգիայի գիտական կենտրոն և այլն):

   «Լիդիան Արմենիան» Հայաստանում առաջին ընկերությունն է, որ անդամակցում է Ցիանիդի կառավարման միջազգային օրենսգրքին, իսկ Ամուլսարի ծրագիրը նախաարտադրական սերտիֆիկատ ստացած հինգերորդ ծրագիրն է աշխարհում:

   Ընկերությունը կարևորում է նաև առողջության և աշխատանքային անվտանգության մշակույթի փոխանցումն ու պահպանումը իր աշխատակիցների, կապալառուների շրջանում, ինչպես նաև հարակից համայնքներում: Այս ոլորտում Ընկերությունը առաջնորդվում է միջազգային ընդունված ստանդարտով:

   «Լիդիան Արմենիան» Ամուլսարի ծրագրում առ այսօր ներդրել է ավելի քան 490 մլն ԱՄՆ դոլար, ևս 200 մլն ԱՄՆ դոլար Ընկերությունը նախատեսում է ներդնել Ամուլսարի ծրագրի շինարարությունը ավարտին հասցնելու համար: Շինարարության փուլում «Լիդիան Արմենիան» նախատեսում է ստեղծել 1000 ուղղակի աշխատատեղ, իսկ շահագործման 11 տարիների ընթացքում` 750 մշտական ուղղակի աշխատատեղ և 200 մշտական կապալառու:

   «Լիդիան Արմենիան» 2007թ.-ից սոցիալական ծրագրեր է իրականացնում Ամուլսարի հարակից Գորայք, Գնդեվազ, Սարավան, Ջերմուկ համայնքներում` դիտարկելով դրանք որպես իր առաջնային գործընկերներ: Մինչ օրս Ընկերությունը Ամուլսարի հարակից համայնքներում իրականացրել է ավելի քան 4 մլն ԱՄՆ դոլարի ներդրուﬓեր ենթակառուցվածքների զարգացման, մանկապարտեզների, դպրոցների, գրադարանների, արվեստի դպրոցի վերանորոգման, գյուղատնտեսության, անասնապահության, կրթության, մշակույթի, տուրիզﬕ զարգացման, առողջապահության, հմտությունների, փոքր ու միջին բիզնեսի զարգացման և այլ բնագավառներում: 

Կոնտակտային տվյալներ`

ՀՀ, ք.Երևան, 0010, Վազգեն Սարգսյան, 26/1

Հեռ.`  +374(10) 586037

Էլ.հասցե` info@lydianarmenia.am

Վեբ կայք` www.lydianarmenia.am

 

«Հայաստանի հանքագործների և մետալուրգների միությունը» իրավաբանական անձանց միություն է: Ստեղծվել է հանքամետալուրգիայի համալիրի միության անդամների ձեռնարկատիրական գործունեությունը համակարգելու, ինչպես նաև ընդհանուր գույքային շահերը ներկայացնելու և պաշտպանելու նպատակով:

Հետադարձ կապ

Էլ.փոստ: info@miningmetal.am

Էլ.փոստ: hanqmet@mail.ru

Հեռ: +374 (91) 49-03-46

Հեռ: +374 (94) 49-03-46

Ֆաքս: +374 (10) 46-22-29

Հասցե: Հայաստան,Երևան,Արտաշիսյան 10