ՀՐԱՊԱՐԱԿՎԵԼ Է ՀՀ ԽՈՇՈՐ ՀԱՐԿ ՎՃԱՐՈՂՆԵՐԻ ՑԱՆԿԸ

Հանքարդյունաբերական համալիրի և մետալուրգիայի ոլորտի ձեռնարկությունների 2018թ. վճարումները հասնում են 100 մլրդ դրամի

Պետական եկամուտների կոմիտեն հրապարակել է 2018թ. 1000 խոշոր հարկ վճարողների և նրանց կողմից վճարված հարկերի և տուրքերի ցուցանիշները: Նկատենք, որ այս անգամ փոխվել է ցանկի առաջատարը. այն այժմ գլխավորում է «Գրանդ Հոլդինգը», որը կտրուկ ավելացրել է իր հարկային մուտքերը: Մասնավորապես, եթե 2017 թվականին այն վճարել է շուրջ 34,7 մլրդ, ապա 2018-ին արդեն 42,2 մլրդ դրամ: Ցանկում դիրքը զիջել է երկար տարիներ առաջին հորիզոնականը զբաղեցնող «Գազպրոմ Արմենիա» ընկերությունը՝ 40 մլրդ դրամի հարկեր վճարելով այն զբաղեցնում է երրորդ հորիզոնականը (նախորդ տարուց մի փոքր նվազ):

Հարկերի վճարման տարեկան ցուցանիշներով հանքարդյունաբերական ոլորտում առաջատարը, բնականաբար  «Զանգեզուրի պղնձամոլիբդենային կոմբինատն» է, որը 2018-ին վճարել է 41 մլրդ դրամի հարկ և վստահորեն զբաղեցնում է երկրորդ հորիզոնականը: Ուրախալի է նաև նկատել, որ խոշոր հարկատուների ցանկում լավագույն հնգյակը եզրափակում է ոլորտի մեկ այլ խոշոր հարկատու՝ «Գեոպրոմայնինգ Գոլդ» ընկերությունը, որի տարեկան վճարումները հասել են 16,8 մլրդ դրամի. 2017-ի համեմատ հարկերն ավելացել են 3,4 մլրդ դրամով:

Նշենք, որ ընդհանուր առմամբ, 10 խոշոր հարկատուների կողմից 2018 թվականին վճարվել է 227,6 մլրդ դրամ, ինչը 2017-ի ցուցանիշը (198.8 մլրդ) գերազանցել է 14,5 տոկոսով:

Ինչ վերաբերում է 1000 խոշոր հարկատուների վճարած հարկերի ծավալին, ապա 2018-ին այն կ՝ազմել է 926,7 մլրդ դրամ։ Նախորդ տարի այդ ցուցանիշը եղել է 807.4 մլրդ: Այսինքն հարկային պարտավորություններն ավելացել են 119,3 մլրդ դրամով կամ 14,8 տոկոսով:

Նկատենք, որ մեր մոտավոր հաշվարկներով հանքարդյունաբերական և մետալուրգիական ոլորտի և այն սպասարկող մի քանի ձեռնարկությունների 2018թ. Պետական գանձարան կատարած վճարումները հատել են 100 մլրդ դրամի սահմանագիծը: Եվ սա այն դեպքում, երբ գրեթե տարեսկզբից դադարեց գործել «Թեղուտը», սառեցվեց «Լիդիան Արմենիան» ընկերության շինարարությունը, ապա նաև կաթվածահար եղավ Ալավերու պղնձաձուլական կոմբինատի («Էյ Սի Փի») գործունեությունը:

Հուսանք, որ ընթացիկ տարին բարենպաստ կլինի և ոլորտն ավելի էական դերակատարություն կունենա երկրի տնտեսության հզորացման գործում:

ներբեռնել ցանկը

Ֆոտոռեպորտաժ

«Հայաստանի հանքագործների և մետալուրգների միությունը» իրավաբանական անձանց միություն է: Ստեղծվել է հանքամետալուրգիայի համալիրի միության անդամների ձեռնարկատիրական գործունեությունը համակարգելու, ինչպես նաև ընդհանուր գույքային շահերը ներկայացնելու և պաշտպանելու նպատակով:

Հետադարձ կապ

Էլ.փոստ: hanqmet@mail.ru

Հեռ: +374 (91) 49-03-46

Հեռ: +374 (94) 49-03-46

Ֆաքս: +374 (10) 53-42-52

Հասցե: Հայաստան, Երևան, Սարյան 40/64