Հայաստանի հանքագործների և մետալուրգների միությունը խորը վշտով տեղեկացնում է, որ 54 տարեկան հասակում դաժան համավարակի զոհ դարձավ «Սագամար» ՓԲԸ գլխավոր տնօրեն ՍԱՄՎԵԼ ՉՈԲԱՆՅԱՆԸ:

   Ցավոք, Ղարաբաղյան պատերազմի դաժան հետևանքները և համավարակի ահագնացող տարածումը անհնար էին դարձրել շփումներն ու մասնակցությունները հրաժեշտի արարողություններին, ուստի, թեև ուշացումով, խորապես ցավակցում ենք շատերիս համար մտերիմ դարձած Սամվելի հարազատներին ու մտերիմներին, գործընկերներին և աշխատանքային կոլեկտիվին:

   Սամվել Չոբանյանը հանքարդյունաբերություն եկավ  կոլեկտիվ ղեկավարելու աշխատանքային լուրջ փորձով և պատահական չէ, որ միանգամից ստանձնեց «Սագամար» ՓԲԸ կարևոր օղակներից մեկի՝ հարստացուցիչ ֆաբրիկայի ղեկավարումը:

   Նա 1992 թվականին ավարտել է Երևանի պոլիտեխնիկական ինստիտուտը, աշխատել պետական և մասնավոր տարբեր ընկերություններում՝ ղեկավարել կոլեկտիվներ՝ «Հայարդշինանյութ»-ում եղել գլխավոր մեխանիկ, 1997-2005թթ. «Վանշին» ընկերությունում՝ գլխավոր տնօրենի տեղակալ:

   2012-2019թթ. «Սագամար» ՓԲԸ հարստացուցիչ ֆաբրիկայի ղեկավար: 2018-2019թթ. «Սագամար» ՓԲԸ «Պոչանքների ջրազրկում» նախագծի տեխնիկական ղեկավարն էր:

   2019-ին նրան վստահվեց նույն ընկերության գլխավոր տնօրենի պաշտոնը: Ավելացնենք, որ այդ նույն թվականից նա ղեկավարում էր նաև «Մոլիբդենի աշխարհ» սահմանափակ պատասխանատվությամբ ընկերությունը:

 ՄԻՈՒԹՅԱՆ ԽՈՐՀՈՒՐԴ