ՀԱՆԴԻՊՈՒՄ՝ ՀԱՄԱԳՈՐԾԱԿՑՈՒԹՅԱՆ ԱԿՆԿԱԼԻՔՆԵՐՈՎ

   Օրերս Հայաստանի հանքագործների և մետալուրգների միությունում հյուրընկալվել էին Հայաստանի Հանրապետությունում Իրանի Իսլամական Հանրապետության դեսպանատան ներկայացուցիչները (վերջիններիս նախաձեռնությամբ): Միության խորհրդի նախագահ Հայկ Ալոյանի հյուրերն էին Հայաստանում ԻԻՀ առևտրի  ներկայացուցիչ Աչպար Կոտարին (նկարում ձախից՝ երկրորդը) և դեսպանության տնտեսական բաժնի պատասխանատու  Ռեզա Նուրային (նկարում աջից՝ առաջինը):

   Մոտ երկու ժամ տևած զրույցի ընթացքում իրանցի գործընկերների խնդրանքով Հայկ Ալոյանը հանգամանալից ներկայացրեց հանրապետությունում մետաղական հանքարդյունաբերության ուղղությունները, մանրամասներ դրանում ներգրավված ընկերությունների մասին: Պատասխանեց հյուրերին հետաքրքրող մի շարք այլ հարցերի:

   Այնուհետև հյուրերը ներկայացրեցին իրենց հետաքրքրությունների շարժառիթները՝ նշելով, որ լուրջ ակնկալիքներ և հիմքեր ունեն լեռնամետալուրգիայի, իսկ մասնավորապես մետալուրգիական ձեռնարկություն հիմնելու գործում՝ ինչպես պետական մարմինների, այնպես էլ մասնավոր ընկերությունների հետ փոխշահավետ համագործակցության:

   Ըստ նրանց իրենք տիրապետում են մետալուրգիական արտադրության էներգախնայողական արդիական այնպիսի տեխնոլոգիաների, որոնք անպայման կհետաքրքրեն հայ արտադրողին:

   Զրուցակիցները խոսեցին նաև այլ ոլորտներում համագործակցելու հեռանկարների և հնարավորությունների մասին:

 

   Սեփ. լրատվություն

Ֆոտոռեպորտաժ

«Հայաստանի հանքագործների և մետալուրգների միությունը» իրավաբանական անձանց միություն է: Ստեղծվել է հանքամետալուրգիայի համալիրի միության անդամների ձեռնարկատիրական գործունեությունը համակարգելու, ինչպես նաև ընդհանուր գույքային շահերը ներկայացնելու և պաշտպանելու նպատակով:

Հետադարձ կապ

Էլ.փոստ: info@miningmetal.am

Էլ.փոստ: hanqmet@mail.ru

Հեռ: +374 (91) 49-03-46

Հեռ: +374 (94) 49-03-46

Ֆաքս: +374 (10) 46-22-29

Հասցե: Հայաստան,Երևան,Արտաշիսյան 10