ՋՐԻ ՀԱՄԱՇԽԱՐՀԱՅԻՆ ՕՐ

   Միավորված ազգերի կազմակերպության գլխավոր վեհաժողովի որոշմամբ մարտի 22-ը սահմանվել է որպես Ջրի համաշխարհային օր: Այն նպատակ է հետապնդում հասարակության ուշադրությունը հրավիրել երկրագնդի ջրային ռեսուրսների վիճակին ու խնդիրներին:

   Այս տարի Ջրի համաշխարհային օրվա թեման է «Ստորերկրյա ջրեր. դարձնելով անտեսանելին տեսանելի»:

   ՀՀ Գիտությունների ազգային ակադեմիայի Հ. Կարապետյանի անվան երկրաբանական թանգարանը «Ազգային ջրային համագործակցություն» հ/կ-ի հետ միասին այս թեմայով բավականին հետաքրքիր ու ներկայացուցչական միջոցառում էին կազմակերպել: Խրախուսելի էր, որ միջոցառմանը, բացի գիտակրթական, հասարակական և այլ կազմակերպությունների ներկայացուցիչներից,  ակտիվորեն էին մասնակցում մասնավորապես դպրոցականները, որոնք բավականին համապարփակ տեղեկություններ ունեին երկրագնդի ջրային ռեսուրսների մասին:

   Հետաքրքիր և օգտակար միջոցառումը ներածական խոսքով բացեց թանգարանի տնօրեն տիկին Գայանե Գրիգորյանը: Եղան ելույթներ, քննարկումներ, որոնց նպատակն էր մեկ անգամ ևս հասարակության ուշադրությունը բևեռել ջրի անփոխարինելի դերի ու նշանակության, ինչպես նաև եղած ռեսուրսների հոգատար, խնայողական օգտագործման կարևորության վրա:

Սեփ. լրատվություն

 

Ֆոտոռեպորտաժ

«Հայաստանի հանքագործների և մետալուրգների միությունը» իրավաբանական անձանց միություն է: Ստեղծվել է հանքամետալուրգիայի համալիրի միության անդամների ձեռնարկատիրական գործունեությունը համակարգելու, ինչպես նաև ընդհանուր գույքային շահերը ներկայացնելու և պաշտպանելու նպատակով:

Հետադարձ կապ

Էլ.փոստ: info@miningmetal.am

Էլ.փոստ: hanqmet@mail.ru

Հեռ: +374 (91) 49-03-46

Հեռ: +374 (94) 49-03-46

Ֆաքս: +374 (10) 46-22-29

Հասցե: Հայաստան,Երևան,Արտաշիսյան 10