ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՀՐԱՄԱՆԱԳԻՐԸ

ԳԱՐԵԳԻՆ ԲԱՂՐԱՄՅԱՆԻՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐ ՆՇԱՆԱԿԵԼՈՒ ՄԱՍԻՆ

Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» Հայաստանի Հանրապետության օրենքի 5-րդ հոդվածի 1-ին մասի.

Գարեգին ԲԱՂՐԱՄՅԱՆԻՆ նշանակել էներգետիկ ենթակառուցվածքների և բնական պաշարների նախարար: 

ՀԱՅԱՍՏԱՆԻ
ՀԱՆՐԱՊԵՏՈՒԹՅԱՆ ՆԱԽԱԳԱՀ

 Ա.ՍԱՐԳՍՅԱՆ

2018թ. Հոկտեմբերի 4
Երևան 
ՆՀ-435-Ա

 

Գարեգին Քաջիկի Բաղրամյան

 

Ծնվել է Երևանում, 1977թ., հուլիս 22-ին,  

1984-1994թթ. սովորել է Երևանի թիվ 114 անգլիական թեքումով դպրոցում,

1994-1998թթ.՝ Հայաստանի պետական ճարտարագիտական համալսարանի «Վառելիքաէներգետիկ համալիրի ճյուղերի էկոնոմիկա և կառավարում» ֆակուլտետում (1996-1998թթ.՝ ՀՊՃՀ Տնտեսագիտակառավարչական մասնագիտությունների բաժանմունքում):  

1998-2000թթ. Սովորել է Հայաստանի պետական ճարտարագիտական համալսարանի մագիստրատուրայում («Ճարտարագիտության մենեջմենթ էներգետիկայում», ճարտարագիտության մագիստրոս), իսկ 2000-2002թթ.՝ ՀՊՃՀ ասպիրանտուրայում (Ճարտարագիտության մենեջմենթ էներգետիկայում, ճարտարագետ-հետազոտող):

1999-2002թթ. Աշխատել է ՀՀ էներգետիկայի հանձնաժողովի տեխնիկական փորձաքննության, սակագնային քաղաքականության վարչություններում, հասնելով առաջին կարգի, ապա նաև առաջատար մասնագետի կարգավիճակի:

2002-2003թթ. ՀՀ բնական մենաշնորհների կարգավորման հանձնաժողովում եղել է սակագնային քաղաքականության վարչության սակագնային բաժնի գլխավոր մասնագետ,

2003-2004թթ.՝ նույն հանձնաժողովում սակագնային քաղաքականության սակագնային բաժին, գլխավոր մասնագետ, իսկ 2004-2011թթ.՝ այդ բաժնի պետ, այնուհետև՝ 2011-2018թթ. Զբաղեցրել է ՀՀ հանրային ծառայությունները կարգավորող հանձնաժողով, սակագնային քաղաքականության վարչության պետի պաշտոնը:

2016թ. դասախոսում է Հայաստանի ազգային պոլիտեխնիկական համալսարանում,

2018թ. հունիսի 11-ից նշանակվել է ՀՀ էներգետիկ ենթակառուցվածքների և բնական պաշարների նախարարի տեղակալ:

2003թ.-ից տեխնիկական գիտությունների թեկնածու է:

ՀՀ նախագահի 2015թ. հրամանագրով պարգևատրվել է Երախտագիտության մեդալով:

ԼՂՀ վարչապետի 2017թ. որոշմամբ պարգևատրվել է Վարչապետի հուշամեդալով:

Անկուսակցական է:

Ամուսնացած է, ունի որդի:

«Հայաստանի հանքագործների և մետալուրգների միությունը» իրավաբանական անձանց միություն է: Ստեղծվել է հանքամետալուրգիայի համալիրի միության անդամների ձեռնարկատիրական գործունեությունը համակարգելու, ինչպես նաև ընդհանուր գույքային շահերը ներկայացնելու և պաշտպանելու նպատակով:

Հետադարձ կապ

Էլ.փոստ: hanqmet@mail.ru

Հեռ: +374 (91) 49-03-46

Հեռ: +374 (94) 49-03-46

Ֆաքս: +374 (10) 53-42-52

Հասցե: Հայաստան, Երևան, Սարյան 40/64