ՀԱՊՀ ՀԻՄՆԱԴՐՄԱՆ 85-ԱՄՅԱԿԻՆ ՆՎԻՐՎԱԾ ԳԻՏԱԺՈՂՈՎ ԿԱՊԱՆՈՒՄ

   Օրերս Հայաստանի ազգային պոլիտեխնիկական համալսարանի (ՀԱՊՀ) Կապանի մասնաճյուղում տեղի ունեցած գիտաժողովը նվիրված էր համալսարանի հիմնադրման 85-ամյակին:

   Կազմակերպիչները, ոչ պատահականորեն, ընտրել էին մեր օրերում հրատապ դարձած  «Հանքարդյունաբերության արդիական հիմնախնդիրները» թեման և ոլորտում գիտամանկավարժական ու պրակտիկ աշխատանքի փորձ ունեցող բանախոսների միջոցով փորձում էին տալ հուզող շատ խնդրնների պատասխանները:

   Բացման խոսքով հանդես եկավ ՀԱՊՀ ռեկտոր պրոֆեսոր Ոստանիկ Մարուխյանը: Այնուհետեւ գիտաժողովի մեկնարկի կապակցությամբ ներկաներին ողջունեց Սյունիքի նորանշանակ մարզպետ Հունան Պողոսյանը: Նա համալսարանի հիմնադրման 85-ամյակի առիթով շնորհավորեց բուհի պրոֆեսորադասախոսական կազմին, ուսանողներին, շրջանավարտներին:

   Ընդմիջմանը միջոցառման մասնակիցները ծանոթացան մասնաճյուղի առօրյային, եղան լաբորատորիաներում, ծանոթացան կրթօջախի տեխնիկական հագեցվածությանն ու նյութատեխնիկական ժամանակակից բազային, որոնց շնորհիվ այսօր հնարավոր է դարձել ուսումնական գործընթացները կազմակերպել արդիական մեթոդներով: 

   Գիտաժողովում զեկուցումներով ու ելույթներով հանդես եկան տեխնիկական գիտությունների դոկտոր, պրոֆեսորներ Արեգ Գրիգորյանը, Արմեն Հովհաննիսյանը,  Սուրեն Աղբալյանը, Սեյրան Բալասանյանը, Լեռնիկ Պետրոսյանը և ուրիշներ:

   Հաշվի առնելով գիտաժողովում հնչեցված հիմնախնդիրներն ու բազմաթիվ թեմաներով լուրջ ուսումնասիրությունների արդյունքների օգտակարությունը, Հայաստանի հանքագործների և մետալուրգների միության տնօրինությունը գիտաժողովի կազմակերպիչներին առաջարկեց հանքարդյունաբերական համալիրի հանրույթի ուշադրությանը ներկայացնելու համար հնչած զեկույցները առաջիկայում տեղադրել Միության կայքում, իսկ առավել հրատապ խնդիրների անդրադարձած նյութերը տրամադրել ՀՀ կառավարության համապատասխան մարմիններին:

   Գիտաժողովին հրավիված էր և ելույթ ունեցավ Միության տնօրեն Վ. Կիրակոսյանը:

Ֆոտոռեպորտաժ
Վիդեոռեպորտաժ

«Հայաստանի հանքագործների և մետալուրգների միությունը» իրավաբանական անձանց միություն է: Ստեղծվել է հանքամետալուրգիայի համալիրի միության անդամների ձեռնարկատիրական գործունեությունը համակարգելու, ինչպես նաև ընդհանուր գույքային շահերը ներկայացնելու և պաշտպանելու նպատակով:

Հետադարձ կապ

Էլ.փոստ: hanqmet@mail.ru

Հեռ: +374 (91) 49-03-46

Հեռ: +374 (94) 49-03-46

Ֆաքս: +374 (10) 53-42-52

Հասցե: Հայաստան, Երևան, Սարյան 40/64